Madinalag-on ang tatlo ka semana nga selebrasyon sang Capiztahan 2023.
Madamo sang mga aktibidad nga ginhiwat, sa diin ginsuportahan gid ini sang mga pumuluyo indi lamang sa syudad sang Roxas kundi pati man sa magkatuhay nga kabanwahan sa probinsya sang Capiz.
Ang nasambit nga kahiwatan ang ginpangunahan ni Governor Fredenil “Oto” Castro nga ginsuportahan man sang mga Alkalde sa nagkalain-lain nga banwa, mga opisyales kag empleyado sang LGU’s kag Capiz Provincial Government.
Nagtapos ang Capiztahan pinaagi sa fireworks nga nagdugay sang 30 minutos sa Capiz Villareal Stadium kag nilibo naman nga mga tawo ang napa-wow matapos nasaksihan ang nagkalain-lain nga duag sa kalangitan. | Judy Ann Juare