Nasungkit ni Tokyo Olympics veteran Carlos Edriel Yulo ang gintong medalya sa prestihiyosong FIG Artistic Gymnastics World Cup Series na ginaganap sa Aspire Dome sa Doha, Qatar.
Nakuha ni Yulo ang kampeonato sa kanyang paboritong floor exercise matapos ilatag ang solidong performance.
Naglatag ito ng two-and-a-half twist sa front double pike, triple full side pass, one-and-a-half twist to Randi, at three-and-a-half twist to close.
Pinataob ni Yulo si Minami Kazuki ng Japan na nagkasya sa pilak bunsod ng naitala nitong 14.200 puntos habang pumangatlo naman si Luke Whitehouse ng Great Britain na may 13.966 points.
Nagtala lamang ang Southeast Asian Games multi-gold medalist ng 13.400 puntos para magkasya sa ika-20 puwesto.
Samantala nakuha rin ni Yulo ang silver medal sa parallel bars at nag-claim ng bronze sa vault sa dalawang event World Cup.//CA