Nagpadumdom makarun ro Mines and Geosciences Bureau it Department of Environment and Natural Resources (MGB-DENR) nga dapat obserbahan ro carrying capacity sa Boracay bangud sa posibleng peligro it pag guwa it sinkholes.
Sa ginhiwat nga media forum ku, December 12, ginhayag it ahensya nga vulnerable sa sinkholes ro isla.
Suno kay Engr. Mae Magarzo, hepe it MGB Geosciences Division, ro sinkholes hay land depressions bangud sa pagbuoe it suporta sa idaeum bangud sa linog o bangud sa pagnaba it tubi sa eugta.
Nasayuran nga ro kabilugan it Boracay, hay limestone.
Ro chemical composition it limestone nga calcium carbonate hay amat amat nga nagakatunaw kung nakaangkon it contact sa acid, eabi eon sa acid rain.
Suno kay Magarzo, nabibilog ro sinkholes sa limestone.
Sa ginpatigayun nga Karst Subsidence Hazard Mapping ku 2018, natumod sa Boracay ro 789 sinkholes; 801 ku 2019; 814 ku 2020, ag 815 halin ku 2021 to 2022.
Nakakalat segun ro mga sinkhole ngara sa tatlong barangay sa isla it Boracay.
Ginhayag man ni Magarzo nga ro sinkhole ro “most dangerous type of hazard” bangud owa it indikasyon kung hin uno raya maguwa.
Sa ginpatigayun nga pagtuon it DENR –Ecosystems Research and Development Bureau ku 2018, pag abot sa turismo, ro carrying capacity it Boracay hay 19,215 o katumbas it 6,405 arrivals sa sang adlaw para sa 3 adlaw nga pagtinir sa isla.
Sa pagtuon, ro ideal arrival per day hay dapat nga sa 6,085 eang. / ANN DESLENE SALAZAR
Nasa degraded state ang Cay 1, Cay 2 at Cay 3 na bahagi Pag-asa Island…
Nagsimula na ang review ng Regional Tripartite Wages and Productivity Board sa mga sahod ng…
NAUWI sa rambulan ang Men's Division Championship-football games sa pagitan ng Masbate City Team at…
Nadagdagan pa ang halaga ng inaasahang rollback sa presyo ng mga produktong petrolyo sa susunod…
Dinepensahan ng Philippine National Police (PNP) ang pag-aresto sa 'Mayo Uno 6' sa gitna ng…
Naghayag ng pangkabahala ang mga Defense chiefs ng bansang Pilipinas, Japan, Estados Unidos at Australia…