Hugot ro koordinasyon nga ginpatigayun makarun it Department of Health (DOH Region 6) sa pilang lokal nga gobyerno kaangot sa kumpirmasyon it 21 nga kaso it Omicron BA.5 variant sa rehiyon.
Raya hay base sa ginpaguwa nga press release makarung June 23, 2022 it DOH-6.
Sa nasambit nga numero, 16 kara ro halin sa Iloilo City, 4 ro halin sa Iloilo province ag sambilog sa Guimaras.
Nagapatigayun eon makarun it case profiling ag imbestigasyun sa mga natumod nga provincial ag city health offices para matumod ro exposure, travel history, vaccination ag presenting health status ag quarantine status, kamana man ro back tracing ag contact tracing activities.
Sa 16 nga positive cases halin sa Iloilo City, 13 ro nabakunahan ag naturukan eon it booster dose kontra sa covid-19, samtang ro 3 hay fully vaccinated.
11 man kara ro may mild symptoms samtang lima ro asymptomatic.
14 ro naka home quarantine ag daywa ro naka confine sa ospital.
Samtang, ginarekomenda gihapon it Inter-agency Task Force for the management of emerging infectious diseases (IATF-MEID) nga kumpletuhon gihapon ro 14-day isolation sa asymptomatic, mild or moderate symptoms. / ANN DESLENE SALAZAR