Cebu capitol mutabang sa mga hog raisers

CEBU -Nagtinguha ang lokal nga kagamhanan sa probinsya nga mutabang sa pagbangon sa mga hog raisers nga naapektahan sa African swine fever (ASF).

Tungod niini gilusad sa Kapitolyo ang ‘Sugbo Baboyan sa Tugkaran’ program, diin mismong si Cebu Governor Gwendolyn Garcia ang nangulo sa launching sa maong programa sa lungsod sa Barili atol sa first leg sa Caravan of Provincial Government Services.

Gipadayag ni Garcia nga mutabang siya sa pagpalambo ug balik sa hog ug lechon industry sa lalawigan ilabi na sa dakbayan sa Carcar nga labing naapektohan sa pagtumaw sa ASF.

Lakip usab sa himoon ang kagamhanan sa probinsya ang pagsugod ug produce ug mga organic fertilizers ug organic feeds.

Subay niini, milagda ang mga mayor sa tersero distrito, mga sakop sa Association of Barangay Councils (ABC), ug Barangay Health Workers (BHWs) sa Pledge of Commitment nga gipangulohan sa gobernador.//