GIPAHIBALO sa anak sa mitaliwan nga si Cebu City Mayor Edgardo Labella nga si Jaypee Labella atol sa pressconference nga gipahigayon nga septic shock secondary to pneumonia ang gikamatyan sa iyahang amahan.
Nahitabo kini sa alas 4:00 sa kadlawn niining adlawng Biyernes,petsa 19 ning tuig 2021.
Matud niini nga gawas sa haya nga ipahigayon sa Cosmopolitan Funeral Homes sa Barangay Lahug aduna sab public viewing nga giplano alang sa iyahang amahan sa Cebu City Hall.
Apan giklaro niini nga wala pay final schedule alang niini.
Pipila na sab ka Mayor ang mipadayag sa ilahang kahasubo sa kamatayon ni Labella sama ni Mandaue Mayor Jonas Cortes ug Talisay City Mayor Samsam Gullas.
Kahinumduman nga mi-file og indefinite leave si Labella human nga siya giabisohan sa iyahang mga doktor nga kinahanglang mopahuway og taas nga panahon ug likayan ang stress aron hingpit siyang makarekober sa pneumonia.////