CHED-Bicol, piglinaw an nagkapirang katakod kan tangro na Scholarship Program ngunyan na maabot na School Year; pag ako nin aplikasyon, hasta Agosto 15 na sana

BICOL – NAGPAPADAGOS an  Commission on higher Education o CHED-Bicol sa pag ako nin  apllikasyon para sa State Scholarship and Private Education Student Financial Assistance o PESFA ngunyan na maabot  na school year.

Segun ki  CHED Bicol education program specialist Marilou Llarando, maabot sa kabilugan na  sais sientos  na scholarship slots an binuksan sa rehiyon.

Sa irarom kan PESFA, an mga benepisyaryo an maresibe nin  scholarship depende sa saindang  General Weighted Average kun saen an mga scholars gikan  sa mga private HEIs an maresibe nin  120,000 asin 60,000 kada taon bilang full asin half merit mantang 80,000 para sa full merit asin 40,000 sa half merit program para sa mga enrolled sa SUCs asin LUCs.

Paglilinaw man  kan  opisyal, an programa an par asana  sa mga incoming first year students na “eligible” sa kolehiyo.

Mga residente sana kan rehiyon an tutugutan na  na makapag apply sa programa alagad an  scholarship grant an pwediser na  magamit sa arinman na  recognized school sa nacion.

Dai na  kaipuhan   magbukas an mga scholars nin Landbank accounts nin huli ta direkta nang mareresibe  an saindang   financial assistance.

Mantang sa ngunyan  soboot    mayong nakatagamang  scholarship slots para sa mga incoming 2^nd year students alagad pwediser man na  makapag avail ang mga ini nin  Unified Financial Assistance System for Tertiary Education Act o UniFAST siring kan  Tulong Dunong program.