Gibutyag ni City Health Officer Dr. Maria Sarah B. Talla nga nakahatag na sila sa 39,406 nga dosis sa mga bakuna sa COVID-19 sa mga kwalipikadong residente gamit ang Sinovac, Astrazeneca, Moderna, Pfizer ug Janssen jabs.
Nalakip usab ang 511 ka mga indibiduwal ang nakadawat sa ilang COVID-19 jabs sa duha vaccination sites sa dakbayan ug ang mga nibalik aron makuha ang ika-2 nga dosis.
Sa 24, 638 ka mga residente nga nabakunahan: 2, 285 medical frontliner (A1); 7, 101 senior citizen (A2); 7, 403 nga adunay comorbidities (A3); 6, 382 frontline personel (A4) ug 1, 477 nga mga indigent person (A5) pinauyon sa han-ay sa prayoridad sa Department of Health (DOH).///Glennel D. Cuyos