Cholera Cases sa Negros Occidental yara na sa 24

Nagdangat na sa 24 ang confirmed cases sang Cholera sa probinsya sang Negros Occidental sandig sa kunfirmasyon naghalin kay Provincial Health Officer Dr. Ernell Tumimbang.

Sandig sa ginpasa nga Cholera Surveillance Report Morbidity sang Negros Occidental Health Surveillance System sang Provincial Health Office napetsahan Nobyembre 4, 2022, kahapon nga adlaw, nagapabilin sa gihapon sa duha ang nagkalamatay bangud sang amo nga balati-an kag ang syudad sang Talisay amo ang may pinakamadamo nga kaso nga naglambot tanan sa napulo.

Kun igapaanggid sa nakaligad nga report sang PHO, Oktubre 29, 2022, may nagdugang nga tatlo gikan sa pito ang kaso sang cholera sa syudad sang Talisay samtang may nadugang isa gikan sa apat ka mga kaso sa banwa sang EB Magalona.

Ang laboratory confirmed cholera cases sa tagsa ka mga local government units ginalakipan sang syudad sang Talisay, Silay, banwa sang EB Magalona, Victorias City kag Calatrava.

Tatlo ang ginsaka sang kaso sa Talisay halin sa pito samtang nagapabilin sa anum ang syudad sang Silaym kag halin sa lima may nagdugang nga isa sa EB Magalona nga nahimo na sa karon sa anum.

Ang Victorias kag ang Calatrava nagapabilin nga may tig-isa sa gihapon ka kaso.

Leave a Reply

Your email address will not be published. Required fields are marked *