Naglaum ang CHR kon Commission on Human Rights nga suportahan sa security sector ang ilang Nationwide Human Rights Education Caravan nga LaKaran kon Lakbay Karapatan Tungo sa Kamalayan.
Sumala ni CHR Chairperson Atty. Richard Palpal-latoc nga dako og katabang ang maong programa aron mapaabot ngadto sa ubos nga hut-ong sa katilingban ang nag-unang serbisyo sa CHR.
Pinaagi matud pa sa suporta sa security sector; Local Government Unit ug uban pang sector, mas mapasabot ug ma-protektahan sa katawhan ang ilang tagsa-tagsa nga katungod.
Madumduman nga mainiton nga gidawat ni Police Regional Office 10 Director Police Brigadier General Lawrence Coop ang pag-abot ni CHR Chairman Atty. Palpal-latoc sa PNP Regional Multipurpose Hall, Camp Alagar, Lapasan Cagayan de Oro city diin gipahigayon ang Kick-off Celebration sa ika-75 ka tuig nga anibersaryo sa UDHR kon Universal Declaration of Human Rights dinhi sa nasud.