Maniningil ng mas mababang presyo ang city government ng Olongapo para sa mga pasyente ng James Gordon Memorial Hospital na kailangang isalang sa RT-PCR test.
Ito ay makaraang buksan kahapon ang covid-19 molecular laboratory sa Brgy.Kalaklan na inumpisahang itayo noon pang nakaraang taon.
Ayon kay Mayor Lenj Paulino, limangdaang piso ang kailangang bayaran ng pasyenteng miyembro ng Philippine Health Insurance Corp o PHILHEALTH habang 2,700 pesos naman sa mga walang PHILHEALTH.
Higit na mas mababa ang presyo nito kung ikukumpara sa 2,800 na RT-PCR test na karaniwang sinisingil sa ibang mga testing facility.//Christian Andres-BNFM OLONGAPO
Photo Courtesy: Olongapo City Information Center
