MISANGKO sa mainitong pagbinayluay og tubag ang paghinabi kang Atty. Armando Clarin ug Brigada Abner kalabot sa pipila ka isyu sa syudad particular sa yuta sa pamilya Ngilay nga paliton unta sa syudad apan gibabagan sumala pa ni Atty.Clarin.
Alang kang Clarin, gusto niini nga dili unta sila ibutang sa public opinion tungod andam usab sila mohatag og mga dokumento nga gustong masayran sa katawhan.
Apan gitubag usab ni Brigada Abner si Clarin nga katungod sa publiko makuha ang tinuod nga tubag ug dili usab matud pa angayang diktahan sa iyang ipangutana.
Nahimong ugat sa pagtinubagay tali sa duruha ang pagbalibad sa syudad sa pagpalit sa portion sa luna sa pamilyang Ngilay sa Tambler aron himuong relocation site.
Segun kang Clarin ang maong luna nalakip pa sa timberland ug bisan may certification gikan sa DENR ang pamilya Ngilay, dili matud pa kini ang paigong dokumento gawas pa nga mokabat sa P20,250,000.00 ang kantidad nga nalambigit. Hinuon bisan sa nagkainitay nga pagbinayloay og tubag ni Brigada Abner ug Atty.Clarin pareho sila nga nagkauliay og buot.