LEGAZPI CITY – Pinunan na kan lokal na gobyerno kan Legazpi City an pag-clear kan mga wires syudad.
Katakod ini kan kahagadan asin pangapodan kan nagkapirang residents na solusyunan an nakatiwangwang na spaghetti wires sa kadakol na tinampo sa syudad na nagigin kawsa kan mga aksidente.
Huli kaini, nagbilog nin task force an lokal na gobyerno na matutok sa nasambit na problema, kumpwesto ini kan Albay Electric Cooperative, City Engineering Office, asin Telcos and CCTV operators sa lugar.
Pigsyerto man sa publiko na padagos an pagkondusir nin clearing kaya maghalat sana an ibang mga lugar.