LEGAZPI CITY – Saro sa mga coaches kan Bicol Region an nagheras ki adal asin saindang eksperyensya sa Palarong Pambansa 2023 na pigkondosir duman sa Marikina City.
An coach, binistong si Ardan Cenita gikan sa syudad kan Ligao.
Marurumduman sa mga nakaaging medal tally kan palaro, an syudad an nakahakot nin pinakadakol na medalya sa bilog na rehiyon.
Sa intrevista kan Brigada News FM kay Cenita, pigsabi niya na long-term preparation sana an sikreto nganing mag-excel sa karawat.
Segun saiya, dawa wara nin kompetisyon, kaipuhan man giraray na mag-training nganing pag-abot kan kawat, preparado.
Orog na su boot sa kawat na arnis, importnate an pagtuom kan mga steps, acrobatics asin dapat na maging synchronized an mga hiro.
Alagad, dai man pignigaran ni Cenita na nakaeksperyensyar man sinda ki mga kadipisilan orog na sa mga players, kun sain saro digdi an paghandle sa klase ninda asin sa training.
Ini su boot an enot na struggle ninda por dahil dipisil balansehon an mga school works asin an training sa palaro.
Kun kaya, dawa igwa nin siring na kadipisilan, pirmi niyang pigpapagiromdoman an mga players na bumawi asin dai magpabaya.
Pagiromdom niya sa mga atleta asin sa future players kan palaro, kun baguhan sa anuman na karawat, dawa anong pagal, kaipuhan gibuhon asin tapuson.
Huli ta kun dai man pigpapadaba an sports, asin kun wara nin tiyaga, dai iyan matatapos asin dai maaabot an minamawot.