Giklaro sa kadagkuan sa Cagayan de Oro City Police Office nga walay special treatment sa ilusad nga security coverage sa usa ka grand political rally karong adlawa dinhe sa syudad.
Gibutyag ni COCPO Deputy City Director for Administration Police Lt. Colonel Surki Sereñas nga katuyuan sa pagpatuman sa hugot nga seguridad nga igo ang proteksyon sa tanan, ilabi na sa gilauman nga pagdagsa sa katawhan.
Dugang niini nga dili matud pa angay mag-kompiyansa ang otoridad bisan og dili matagna kung pila ang gibana-bana nga ihap sa mga tawo nga muduyog sa nahisgutan nga grand political rally.
Kahibaloan nga ang Uniteam sa pagpanguna ni Presidential Candidate Ferdinand Marcos ug Vice Presidential Candidate Sara Duterte ang lauman nga mupahigayon sa grand rally karong adlawa sa Pelaez Sports Center. -END- (Claudine)