Patay ang usa ka collector human nga nakaangkon og samad pinusilan sa iyang lawas,kini human gebanhigan sa wala pa maila nga mga responsabli didto sa usa ka sitio sa Cagwa-it lalawigan sa Surigao del Sur.
Naila ang biktima nga si Ryan Pigurasyon, 23 anyos usa ka collector sa usa ka lending company sa maong lalawigan.
Gibutyag ni Police Corporal Rivas ang imbestigador sa nasangpit nga police station. Gitin-aw niini nga pasado alas-11:30 ning milabayng adlaw nahitabo ang insidente sa Sitio Tagbalidbid, Cagwa-it.
Posible matud pang gisundan ang biktima tungod kay kung basehan ang mga samad pinusilan, na-igo man kini sa ulo ug sa likod nga bahin sa iyang lawas.
Sa pagkakaron padayon pa gihapon ang gehimong imbestigasyon sa kapulisan sa Cagwait Municipal Police Station, kini arun masuta kung kinsa ang mga suspek og ang motibo sa pagpatay.