Malaumon ang Commission on Elections Northern Mindanao nga musanong sa panawagan nga mga buot mukandidato sa umaabot nga Barangay ug Sangguniang Kabataan Elections karong Oktubre 30 ning tuiga nga dili molambigit sa sayong pagpangampanya ugaling makaduso na sa Certificate of Candidacy.
Sumala ni Comelec Northern Mindanao Regional Director Atty. Reynato Magbutay nga kung ugaling mapamatud-an ang usa ka kandidato nga nakahimo og kalapasan sa Omnibus Election Code mamahimo nga kini nga mapasakaan sa kaso ug mag-atubang sa diskwalipikasyon ug dili na mahimong makahupot og posisyon.
Kahibaloan nga magsugod ang election period sa August 28, 2023, diin kini sab nga adlaw mahimo nang makaduso og Certificate of Candidacy ang buot mudagan sa eleksyon ug kung makaduso na, otomatikong nang mahimong usa ka kandidato.
Basi sa calendar of activities sa Comelec alang sa barangay election, sa October 19 pa ang gitagana nga panahon sa pagsugod sa pagpangampanya.