Comelec, 100% nang handa para sa BSKE polls

Binigyang-diin ng Commission on Election (COMELEC) na wala umanong dahilan para ipagpaliban ang nalalapit na Barangay and Sangguniang Kabataan Elections (BSKE), dahil on track na lahat ang kanilang paghahanda.

Ayon kay COMELEC chairperson George Garcia – 100% nang handa ang tanggapan para sa naturang halalan.

Dagdag ni Garcia, kompleto na ang pagbili ng election paraphernalia, at 50% sa 91 million ballots na kinakailangan ay naimprinta na rin.

Ang printing at verification naman ng mga balota ay makokompleto sa ikalawang linggo ng Pebrero.

Sa ngayon, nasa 1.028 million Filipinos na ang nakapagparehistro sa nagpapatuloy na registration, na magtatapos sa Jan. 31.

Kaugnay nito, inaasahan ng poll body ang 1.5 million hanggang 2 million na mga karagadagang botante para sa BSKE.
#

Leave a Reply

Your email address will not be published. Required fields are marked *