LEGAZPI CITY – Dai pa masabi ngunyan kan Commission on Elections (COMELEC) Albay na 100% na sindang preparado sa ikokondusir na mall voting sa maabot na Barangay asin Sangguniang Kabataan Elections (BSKE) sa Oktubre.
Alagad, nagpapadagos an saindang preparasyon para digdi huli ta dakol pa man an mga adjustments kan gagamiton na mall.
Ini an pinahayag ni COMELEC Albay head Atty. Ma. Aurea Bo-Bonao sa Brigada News FM Legazpi.
Segun kay Bonao, kan nakalihis na mall voting simulation, nahiling man ninda an kaogmahan kan mga botante huli ta synchronized ini asin bako man hassle.
Alagad sa parte man kan mall, dakol pa an mga konsiderasyon.
Mientrastanto, maabot sa labi 700 na mga botante kan Brgy. Capantawan an mapartisipar sa mall voting sa maabot na BSKE 2023.