Nagpaandam ang Commission on Elections (COMELEC)- Capiz sa mga kandidato nga nagapapili sa Barangay and SK Elections 2023 may kaangtanan sa ‘premature campaigning’.
Suno kay Atty. Wil Arceño, Provincial Election Supervisor sang mainterview sang Brigada News FM- Roxas, ginpahayag sini nga nakabaton na ang iya talatapan sang mga reklamo batuk sa mga nagbayolar sang premature campaign.
Dugang pa sini, nagpahanumdom na sila sa mga natungdan nga kandidato agud icomply ang nasambit nga reklamo ilabi na ang may kaangtanan sa campaign posters.
Gin-athag man ni Arceño, wala na sang extension ang filing sang COC apang mahibo may matabo nga substitution by reason of death kag ang kwalipikado nga makabulos amo ang ila lang legal spouse.
Matandaan nga naglab-ot sa masobra 17,000 ang nagfile sang Certificate of Candidacy (COC) halin sa 473 ka mga kabarangayan sa probinsya sang Capiz.