Nagpadayon ang preperasyon sa Commission on Elections (COMELEC) sa Davao Region alang sa umaabot nga Barangay ug Sangguniang Kabataan Elections (BSKE) sa Oktubre 30, 2023.
Sumala pa ni COMELEC 11 Assistant Regional Director Attorney Gay Enumerables nga anaa na sa 80% sila nga andam. Kini nga oahayag atol sa AFP-PNP Press Corps briefing kagahapong adlawa, Miyerkules.
Dugang pa ni Enumerables nga nahuman sab ang ilang verification ug sealing sa listahan sa mga botante sa rehiyon.
Samtang, mikunhod sab karong tuiga ang ihap sa mga botante human nga nasuta nga nagdoble ang registration sa automated fingerprint identification system.
Sa 27,000 nga ihap sa mga botante, 21,000 niini ang mga regular voters samtang 6,000 sa SK voters.
Dinhi sa Davao Region mikabat sa kappin 3.3 million regular voters samtang mukabat pa sa milyon ka mga botante sa SK.
Sumala pa ni Enumerables nga anaa sa 9,558 clustered precints ang anaa sa mga barangay sa Davao Region.
Gikatakda nga karong Agosto 28 hangtod Setyembre 2, 2023 ang filing sa certificate of candidacy (COC) samtang Oktobre 19 hangtod 28 gitakda sab ang campaign period.