Comelec GenSan may anunsyo sa kausaban sa venue sa voter registration

ADUNAY kausaban sa gi-anunsyo nga petsa sa voter registration sa City Comelec Office sa General santos City.

Sa pahayag ni Atty. Sittie Sharmaine Papandayan Garangan ang unang petsa nga ilang gitakda sa mall registration nga Oktubre 18- 22 sa Robinsons dili mahinayon gisibog kini sa Oktubre 25-30 adlaw nga Lunes hangtud Sabado.

Ang mga rason daw niini mao nga daghan sila og backlog sa ilang trabaho sa opisina nga angay nila nga tapuson sa bulan sa Oktubre kay apektado usab ang uban nilang trabaho gumikan sa lugway sa voter registration.

Gidugang ni Garangan nga kaniadtong Oktubre 11, unang adlaw sa extension sa registration mokabat sa 375 ka mga tawo ang ilang na- cater, adlaw nga Martes-376 ug pagka Miyerkules-390 ka tawo, ilaha daw paningkamotan nga madawat tanan nga forms gikan sa mga nagapila ug mahurot sa matag adlaw aron dili na pa balik-balik.

Samtang gitakda usab ang duha pa ka Election Registration Board kun ERB hearing, una sa Oktubre 18 alang sa mga nagaparehistro sugod Hulyo 1 hangtud Septembre 30 nga applicants unya ang Special ERB sa bulan sa Nobyembre alang sa mga nagparehistro sa petsa sa extended voter registration. ( Ver Diazon)

Leave a Reply

Your email address will not be published. Required fields are marked *