COMELEC Naga at Camarines Sur nakahanda sa pag-arangkada ngayong araw ng voter registration extension

NAGA CITY- Aarangkadang muli ang pagpaparehistro ng mga botante ngayong araw, Oktubre 11, 2021 hanggang sa ika-30 ng buwang kasalukuyan.

Kaugnay nito tiniyak ng Commission on Election-o COMELEC Naga ang kanilang kahandaan.  Sa panayam ng Brigada News FM kay  COMELEC Officer Atty. Mico Julia, sinabing mayroon nang mahigit 106-libong nagparehistro sa lungsod at inaasahang madaragdan pa ng walong libo mula Hunyo na bina-validate pa at madaragdagan pa ng mga bagong magpaparehistro simula ngayong araw.

Ibinahagi rin ni Julia na magkakaroon sila ng satellite registration sa mga malls maliban sa dating pwestong Robinsons Mall at main office sa may City Hall.

Si Julia ay siya ring nagsisilbing spokesperson ng COMELEC Camarines Sur kaya payo nito sa publiko magparehistro mula alas-8 ng umaga hanggang alas-5 ng hapon upang hindi na magsiksikan sa huling mga araw ng Oktubre.

Katuwang dito ng COMELEC ang PNP at mga force multiplier upang maipatupad ang safety and health protocols.

Leave a Reply

Your email address will not be published. Required fields are marked *