GILUSAD sa Commission on Election (COMELEC) Setyembre 8 ang permanenteng komitiba aron mogukod sa vote-buying offenders dungan sa 2023 Barangay ug Sangguniang Kabataan Elections (BSKE).
Food packs, tinapay ug mga t-shirts, kini ang pipila lang sa mga items nga gikaengong ginahatag sa mga kandidato nga mopapili alang sa BSKE. Matud ni Atty. Jose Villanueva, assistant regional director sa Comelec-12 nga ang pagmugna og komitiba batok vote buying ang aron mapaspas ang pagsumbong kalabut sa aktibidad samtang ibutang sa witness protection program ang motestigo kalabut niini.
Ilawom sa balaud ang pagpanghatag sa campaign materials nga dunay pangalan, logo sa kandidato ang gibawal ang pagpanghatag usab og butang nga dunay value ang bawal. Gawas sa tradisyonal nga paagi sa vote-buying ug selling, gukdon usab sa Comelec ang online transaction pinaagi sa e-wallet ug bangko. Gilusad sa Comelec ang labing unang permanenteng komitiba aron usab mapa-paspas ang pagpasaka og kaso ug imbestisyon.
Samtang, magmugna og susamang komitiba sa mga probinsiya, siyudad ug munisipalidad. ang mosupak sa Omnibus election ang mahimong mabalhog, madiskwalipika ug ubang silot. Sa bahin ni Maming Genon, botante sa GenSan dawaton niya kung naay ihatag salapi man og items apan dili niya ibaligya ang iyang bilihong boto. Pahimangno sa Comelec sa mga kandidato nga hulaton ang Oktubre 19 nga campaign period bag-o mangampanya. I Richel Gubalani