COMELEC, umaasang tataas pa ang bilang mga magpaparehistro sa Olongapo

Umaasa ang Commission On Elections na aabot pa ng higit tatlong libo ang kabuuang bilang ng mga magpaparehistro sa Olongapo para sa 2023 Barangay at Sangguniang Kabataan Election.

Ito ay dahil mayroon pang natitirang tatlong araw bago matapos ang halos dalawang buwang voter’s registration na binuksan sa buong bansa.

Ayon kay Election Officer Atty. Marvyn Gaerlan, as of January 26 ay mayroon lang 2,840 na aplikante ang napasama sa listahan ng COMELEC, nasa 1,600 ang mga bagong aplikante at apatnaraan ang re-activation.

Mababa ito kung ikukumpara sa naunang voter’s registration bago ang nakaraang election na umabot na ng higit tatlong libong aplikante.

Maliban sa araw ng linggo, tatanggap ang COMELEC ng mga magpaparehistro sa pamamagitan ng satellite registration hanggang January 31.//Christian Andres-BNFM OLONGAPO

Leave a Reply

Your email address will not be published. Required fields are marked *