Andam na ang Commission on Elections (COMELEC) XI sa opisyal nga pagsugod sa filing of certificates of candidacy (COCs) karong adlawa Biyernes Oktobre 1, 2021 alang sa lokal nga posisyon sa tulo ka mga distrito ning syudad sa Davao ug ubang LGU sa Davao Region.
Sumala kang COMELEC XI Assistant Regional DirectorAtty. Gay Enumerables, hitsas na usab ang seguridad nga ipatuman sa kapulisan lakip na ang health protocols aron masigurong walay kakulian nga mahitabo.
Pahimangno ni Enumerables sa mga mohikay sa ilang kandidatura nga kinahanglang kumpletuhon daan ang mga dokumentos ug na-review ang tanan nga impormasyon ayha ihikay aron paspas ang pagproseso.
Gihangyo usab ang mga aspiring candidates nga duha lang ka escort o supporters ang ubanon sulod sa COMELEC Office aron malimitahan ang ihap mga tawo sa buhatan.
Hinoon ang tanang dokumentos ma-download kini sa COMELEC official website.
Kahibaluang una nang gibutyag sa opisyal nga sa Davao City, sa tagsa-tagsa ka distrito ihikay sa mga kandidato ang ilang mga COC sukwahi sa miagi nga piniliay nga usa lang ka Election Officer ang modawat sa mga COC. BNFM-DAVAO
