Community pantry gipaundang; makig-alayon sa otoridad

Gitambagan ni Davao City Mayor Sara Duterte Carpio ang mga boot magmuntar og community pantry nga makig-alayon una sa Davao City Police Office (DCPO) o sa Public Safety and Security Command Center (PSSCC) aron maplanuhan og sakto ang ipatumang mga lakang ug makontrol ang dasok sa katawhan.

Kini human sayo nga gitapos kagahapong adlawa ang operasyon sa Matina Community Pantry nga nahimutang sa Quimpo Boulevard gumikan sa paglapas sa pipila ka heath protocol sama sa physical distancing.

Hinoon gitataw sa Mayor nga makaabli og balik ang maong pantry karong adlawa inubanan sa mga health measures nga ipatuman kauban ang otoridad ngabdaan nang gitahasan sa pagmonitor sa mga tawo sulod sa lugar.

Pasabot sa alkalde nga magpabilin ang risgo sa transmission sa kagaw kung dili matuman ang minimum public health standards aron dili mahimong kawang ang pagtabang sa mga tawong naglisod.

Mipasalig usab ang mga organizers sa Matina Community Pantry nga hugot nang sundon ang health protocol sa subling pag-abli niini karong adlawa.

Leave a Reply

Your email address will not be published. Required fields are marked *