Comprehensive Anti-Discrimination Bill, aprubado na sa House panel

Aprubado na ng House committee on human rights ang panukalang batas na nagbabawal sa diskriminasyon batay sa ethnicity, race, color, sex, gender, religious expression, at political opinion, at maraming iba pa.

Sa online meeting, inaprubahan ng komite ang Comprehensive Anti-Discrimination Bill, pero subject sa amendments, kasunod ng ilang mga pagdinig at mahabang debate ng mga mambabatas, partikular na sa isyu ng sexual orientation and gender identity expression (SOGIE).

Sa ilalim ng panukala, ang diskriminasyon na directly o indirectly batay sa actual o perceived ethnicity, race, color, sex, gender, sexual orientation, gender identity, gender expression, sex characteristics, language, religious expression o belief, political o ibang opinyon, national o social origin, property, birth, at iba pang status ay mahigpit na ipinagbabawal.

Maliban dito, ipinagbabawal rin ang dikriminasyon kaugnay sa disability, age, nationality, marital and family status, health status, place of residence, economic and social situation, maternity, at pregnancy.

Batay sa panukala, inilalarawan ang diskriminasyon bilang pagdeny sa karapatan para sa political participation; denial sa right to organize; denial sa right to employment; at denial sa right to education at training; denial sa karapatan para sa reasonable accommodation; denial sa karapatan para makakuha ng goods at services; at maraming iba pa. // MHEL PACIA