Congressional inquiry sa saka sa presyo sang kuryente sa Region 6

Pito ka mga kongresista sa Iloilo kag Negros Occidental, nagduso sang Congressional Inquiry sa pagsaka sang kuryente gikan sa mga power utilities sa Negros, Panay kag Iloilo.

Pirmado sang pito ka mga kongresista gikan negros kag iloilo ang resolution nga gin author ni Negros Occidental 3rd District Congressman Jose Francisco ‘Kiko’ Benitez nga nga hinyu sa kongreso nga imbistigahan ang padayon nga pagtaas sang kuryente sa mga electric cooperatives sa Negros kag Iloilo.

Ginpahayag sa amo nga resolusyon base sa ‘forum’ sang Central Negros Electric Cooperative nga gintambungan sang LGU kag mga consumer groups agod talakayon ang isyu sang ‘power outages’ kag saka sa presyu sang kuryente base ‘per kilowatt cost’ sini kon sa diin ginhambal nga may estimated ‘fifteen percent’ na nga kabug usan nga gintaas sa mga electric bills sang mga konsumedor halin Hulyo tubtub Agosto sini nga tuig.

Ginpandugan sang amo nga resolusyon nga dapat yara lang sa minimal cost ang saka sa presyu sang kuryente ngabdapat ipatong sang mga electric utilities base sa implementing rules and guidelines sang EPIRA law nga dapat aprobado sang Energy Regulatory Commission(ERC).

Setyembre 9, sa forum sang Electric Cooperative Association of the Region (ECAR), una na nga ginrason nga mga electric utilities sang pagtaas sang presyu sang kuryente ang guba kag karon ginakay o nga ‘submarine cable’ sang National Grid Corporation of the Philippines (NGCP) nga nagakonekta sa Cebu-Negros kag Panay nga nagtuga sang kakulang sang supply sang kuryente sa bug os nga rehiyon syes. Ini suno sa mga electric utilities naga apekto sa sa presyu sang kuryente nga ginabakal sang mga electric utilities gikan sa mga power producers base sa Wholesale Electricity Market (WESM) kag karon lakip sa ginapabayaran sang konsumdor pinaagi sa ‘generation charges’.

Sa Bacolod, ginhinyu na sang Sangguniang Panlunsod sang Bacolod ang Central Negros Electric Cooperative nga klarohon kag esplikar ang tikang nga ginhimo sang nasambit nga ahensya.

Lakip sa nga ginduso sang mga kongresita sa nga paga imbistigahan ang CENECO, NONECO, NOCECO, kag pito pa ka power distribution
utilities nga AKELCO, ANTECO, CAPELCO, GUIMELCO, ILECO I, ILECO II,
ILECO III.

Ang nasabit nga resolusyon pirmado nanday Negros Occidental Congressman Jose Francisco Benitez, Genaro Alvarez Jr kag Iloilo Congressman Lorenzo Defensor, Michael Gorriceta kag Julienne Baronda.