Construction worker, arestado sa drug buy-bust operation sa banwa sang Pontevedra

Arestado ang isa ka construction worker matapos ginkasahan sang Drug buy-bust operation sang gintingub nga pwersa sang Capiz PPDEU, Pontevedra MPS, Pilar MPS kag President Roxas MPS sa Brgy. Rizal, Pontevedra, Capiz.

Ginkilala ang naaresto kay Stephen Bayhon Borbon, 34-anyos kag residente sang Brgy. Tabuc sa nasambit nga banwa.

Narekober sa posisyon kag paghinakop ni Borbon ang 7 tanan ka plastic sachets sang ginapatihan shabu lakip na dire ang nabakal sang police poseur buyer, P6,500 buy bust money, 1 pc small zip lock empty plastic container kag 1 black pouch.

Ginabanta nga nagabug-at tanan sang 50 gramos ang iligal nga droga kag nagabalor sang P340,000.

Nahibaluan nga yara sa listahan sang High Value Individual (HVI) si Borbon.

Sa karon, yara na sa kustodiya sang Pontevedra PNP ang suspetsado kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. | Judy Ann Juare

Leave a Reply

Your email address will not be published. Required fields are marked *