Nag-angkon sang pilas sa ilok ang isa ka construction worker matapos ini ginbuno sang BPAT member, sa Barangay Bailan, banwa sang Pontevedra.
Ginkilala ang bitima kay Renan Espino, 36 anyos kag residente sang Brgy. Parallan, Maayon, Capiz.
Samtang ang ginatudlo suspek amu si Joel Bornasal Dela Cruz, 50 anyos, nga residente sang Brgy. Bailan, Pontevedra.
Sandig sa inisyal nga imbestigasyon sang Pontevedra MPS, nga alas-12:40 kaina sang kaaganhon sang may nagpalab-ot sa ila nga talatapan sang impormasyon nga may nagluntad nga komusyon sa amu nga lugar kag ginaalegar ginbuno sang suspek ang biktima.
Ginpadangat sa Bailan District Hospital si Espino para sa nagakaigo nga pagbulong sa naangkon nga pilas.
Sa karon, ginaayam sang mga kapulisan ang nasambit nga suspek matapos nga nagpalagyo pagkatapos sang insidente.