Napalgan ang patayng lawas sa usa ka construction worker sulod sa usa ka septic tank sa lungsod sa Baclayon sa Probinsya sa Bohol.
Giila ang namatay nga si Antonio Galan, 48 anyos.
Nagtuo ang mga sakop sa Baclayon Police station nga aksidenteng nahulog si Galan sa padayong gi-constuct nga panimalay sa iyang ig-agaw sa Barangay Poblacion.
Giingong ang construction worker, nanglimpyo sa bag-ong gibutang nga tanke sa wala pa siya na-missing.
Gipangita pa kini sa iyang kauban sulod sa usa ka oras, apan mao na lang ang iyang nakit-an nga naglutaw na ang patayng lawas ni Galan sulod sa septic tank.
Tungod niini, dali silang nagpatabang sa Rural Health Unit, diin gisuwayan pa kini ug revive, apan, gideklarar na nga patay si Galan.
Sa inisyal nga pakisusi sa municipal health office, wala silay nakit-ang foul play sa kamatayon ni Galan.