NAGMALAMPUSON ang Covid-19 Antigen Swab Test o re-swab sa tanan nga mga empleyado sa Ozamiz City Hall sa City Health Office kaniadtong Mayo 10 sa buntag. Samtang kaniadtong biyernes, Mayo 7, 32 ka empleyado sa City Hall ang nagpositibo sa swab test.
Matud pa, nga nadugangan sila kapin 30 ka mga empleyado nga nagpositibo sa swab test, nga gipagula sa City Health Office kaniadtong miaging semana, ug ang tanan ana na karon sa isolation facility sa siyudad.
Samtang gi-isolate usab ang ilang mga pamilya, adunay gipaabot nga tabang ang buhatan sa Asenso Ozamiz Administration, nga 25 ka kilo matag usa nga bugas ug groseri.
Nanawagan si Mayor Ando alang sa kooperasyon sa tanan nga mga Ozamisnon, nga magtinguha sa pag-protekta sa ilang mga kaugalingon pinaagi sa pag-obserbar sa mga gimando nga protokol sa kahimsog, labi na ang pagsul-ot sa face mask ug pagpadayon sa social distancing aron dili matakdan o makatakod sa makamatay nga virus.
Sa labing ulahi nga tala sa City Health Office, adunay na 22 nga inosente nga Ozamisnon nga namatay tungod sa Covid-19 virus disease.(Sam Tizon)