NAA na sa ‘warning zone’ total bed occupancy rate sa mga Covid-19 referral hospital sa Soccsksargen region, base labing ulahing datus sa Department of Health (DOH) 12.
Matud ni Arjhon Gangoso, tigpamaba sa DOH12 –Center for Health Development nga naa sa 59% ang bed occupancy rate sa rehiyon. Ang South Cotabato ang dunay 62% occupancy rate, Sultan Kudarat, 37%, North Cotabato, 56%, Sarangani Province 63% .
Samtang ang General Santos City ug Cotabato Regional and Mecial Center ang naa na sa ‘critical zone’ COVID-19 bed capacity. Ang naa pa sa ‘safe zone’ ang mga isolation unit ang GenSan, Sultan Kudarat, Sarangani ug North Cotabato Province. Apan naa na sa ‘warning zone’ sumala pa ni Gangoso ang South Cotabato ang anaa sa 42% nga isolation unit. ( Richel Gubalani)