KALIBO, AKLAN—Humampak eon sa masobra 11,000 do kumpirmadong kaso it coronavirus disease 2019 (COVID-19) sa probinsya it Aklan.
Raya hay matapos madugangan kahapon it 93 nga panibag-ong kaso dahilan agud nga magdangat eon raya sa makarun sa 11,080 kung siin 1,191 pa kara do active cases.
Sa nasambit man nga datos nga ginpaguwa it Aklan Provincial Epidemiology and Surveillance Unit, 146 do nagdugang sa mga nagmaeayad ngani nga sa makarun hay sumaka eon do total recoveries sa 9,621 samtang do COVID-19 related deaths hay sumampa eon sa 268 matapos madugangan it tatlo. // SHERRY ANNE REUNIR-VIDAL