Covid-19 pandemic, mabahoe ro naging epekto sa nutrisyon it mga pamatan-on sa Aklan

Mabahoe ro naging epekto it covid-19 pandemic sa nutrisyon it mga inunga sa Aklan.

Naglala ro health crisis partikular ro obesity bangud owa haeos it aktibidad ro mga inunga makarun.  

Ku nagtaliwan nga dag-on, kapin sa 1,077 nga mga pamatan-on nga Aklanon ro nag eksperiensya it low weight-for-height o mabahoe nga pagbawas it timbang.

Sa 3,127 man nga mga inunga sa Aklan ro nag eksperiensya it pagiging putot o stunting ku 2020.

Samtang nagtaas man ro numero it mga obese nga unga sa Aklan sa tiempo it pandemic nga nag abot sa 565, partikular sa mga naga edad 23 to 59 months old.

Nagpanawagan man ro Provincial Health Office nga pabaskugon ro mga programa ag serbisyo nga may kaangtanan sa nutrisyon sa mga barangay. / ANN DESLENE SALAZAR