Naga panguna ru Kalibo sa may pinaka abo nga kaso’t deadly virus nga naga-abot sa 70 nga kaso sa probinsya’t Aklan kahapon, July 20.
Sa datos it PESU-Aklan, naga-abot sa 371 ru gin test ku July 19; 144 kara ru nag positibo sa COVID-19; 227 ru negatibong resulta.
Sa makaron, umabot eon sa 40% ru positivity rate.
Naga-abot man sa 6, 425 ru total confirmed cases; may total recoveries- 5,071 nga kunsiin, naga-abot sa 100 ru bag-ong recoveries.
Nailista man ru active cases-1216 ; 1, 007 ru gin butang sa facility quarantine, 108 ru gin paidaeom sa home quarantine ag 101 ru admitted sa hospital.
Nadugangan it 2 panibag-ong namatay ag humampak eon sa kabilugan nga 138 nga death toll.
Sa breakdown it bagong kaso sa kada Municipalidad: Balete: 1 Batan: 1 Buruanga: 1 Ibajay: 7; Lezo: 3; Libacao: 1 Makato: 1 Malay: 2 Malinao: 1 Nabas: 21 New Washington -20 Numancia: 11 Tangalan: 4.//MARIVIC Y. ILIN