Gikatakdang sugdan karong Martes ang pagbakuna sa mga senior citizen nga himoon sulod sa cinema hallway sa usa ka dakong mall sa Lanang ning syudad sa Davao.
Sumala kang Davao City COVID-19 Task Force Vaccination Cluster head Dr. Josephine Villafuerte, gilaumang 200 ka mga tigulang ang bakanahan ugmang adlawa sugod alas dyes sa buntag hangtud alas syete sa gabie.
Gipaklaro usab sa opisyal ang pagkapili sa maong mall isip vaccination site, kini nunot sa tanyag sa pamunuan sa mall nga himoong venue ang ilang hallway nga gilayong giaprubahan sa City COVID-19 Task Force human nakapasa sa inspeksyon.
Kahibaluang anaa sa kapin 120,000 ka senior citizen sa syudad ang una nang miapdayag sa ilang kaandam nga magpabakuna subay sa master list sa City Health Office.