Suspendido una ang pagpahigayon sa COVID-19 vaccination sa syudad sa Cagayan de Oro alayon sa pag-obserbar sa Semana Santa.
Gipahibalo sa Cagayan de Oro COVID-19 vaccination team nga Abril 5, kutob lang sa alas 12:00 sa udto ang pagpamakuna diha sa City Health Office.
Mobalik ang schedule sa pagpamakuna batok COVID sunod semana o Abril 11 ning tuig.
Padayong gi-awhag ang katawhan nga protektahan ang kaugalingon batok sa virus pinaagi sa pagkompleto sa primary series sa bakuna ug magpa-booster.
Magpadayon usab sa pagtamod sa minimum health protocols sama sa pagsul-ob sa facemask ilabina kung anaa sa sarado nga venue ug
sa mga ‘crowded places’, pagdala sa alcohol o hand sanitizer ug mag-obserbar sa respiratory etiquette.