Gipahibawo sa Police Regional Office-7 nga mikunhod og 9.55 percent ang crime incidents sa Central Visayas atol sa Semana Santa.
Matud ni Police Lt. Col. Gerard Ace Pelare, tigpamaba ni PRO-7 Regional Director Brigadier General Anthony Aberin, nga usa sa nakatabang mao ang kooperasyon sa katawhan ug nakatabang usab ang sayong pagpangandam nga gihimo sa PRO-7.
Base sa datos sa PRO-7, gikan sa Abril 2 hangtud sa nahuman ang Semana Santa nakatala lang sila ug 66 crime incidents sa tibuok Central Visayas diin mas ubos kung itandi sa mga ordinaryong adlaw.//