CSC 6, gin-anunsyo do pagpatigayon it computerized examinations

KALIBO, AKLAN—Gin-anunsyo it Civil Service Commission (CSC) 6 do pagpatigayon it CSC Computerized Examinations (COMEX) para sa Professional ag Sub-Professional levels umpisa makarung buean it Mayo 2021.

Angot kara, bangud nga una pa eamang sa pilot-testing ag sa pagsaalang-alang sa ginapatuman nga health protocols dahil sa COVID-19 pandemic, do pagpatigayon it nasambit nga eksaminasyon ay igapaidaeom sa mga masunod nga sueondanan:

1. Do mga request eamang nga halin sa government agencies na opisyal nga ginpasa sa andang Field Offices do pagabatunon;
2. Pagataw-an it prayoridad do mga halin sa government employess nga owa it Civil Service eligibility, pagasundan it Contracts of Service okun Job Order personnel nga presente nga nagatrabaho sa gobyerno;
3. Kinse eamang do pagabatunon sa kada schedule sandig sa listahan it COMEX examinees nga ginsumite it andang Field Offices sa CSC RO VI ag;
4. Do mga nabaton nga examines hay kinahangean nga magsunod sa minimum health protocols.

Samtang, magapaguwa man it separado nga abiso do CSC kung do COMEX hay pagabuksan sa publiko. // SHERRY ANNE REUNIR-VIDAL