NAGHATAG pagpaklaro ang CSU Deputy kalabot sa nigawas nga impormasyon sa social media nga adunay mga motorsiklo nga naka- parking sa sulod sa Plaza Heneral Santos milabay nga adlaw, nakaabot na kini kaniya ug aduna nay lakang nga gihimo.
Sa pahayag ni Civil Security Unit Deputy Officer Rudy Buot, nakaabot na kaniya ang impormasyon kalabot sa mga motorsiklo nga naka-parking sa sulod sa Plaza Heneral Santos, ang impormasyon motorsiklo kini sa mga dayo nga niagi sa Gensan unya nagkuha og hulagway sa landmark.
Gisisuro ni Buot nga iyaha na nga gipaabot ang impormasyon sa iyang supervisor nga naka-assign sa Plaza Heneral Santos nga ibawal ang pagpasulod sa mga motorsiklo sa mismong plaza, kay dili kini mao ang parking area.
Sa dugang impormasyon sa agianan sa wheelchair nagalusot ang mga nakamotor aron makasulod sa plaza unya makapahulagway apan wala man daw nagadugay. I Ver Diazon