KALIBO, AKLAN—Bangud sa padayon nga pagsaka it kaso it coronavirus disease, igabalik sa alas-9 it gabii hatsa it alas-4 it agahon do curfew hours sa banwa it Kalibo.
Raya do natigayon nga ginkasugtanan it Municipal Inter-Agency Task Force ag mga mga Punong Barangay sa ginpatigayon nga pueong kahapon.
Tinutuyo it pagpahaba it curfew hours sa kabisera it Aklan hay agud nga malikawan do paggilinuwa it maabong tawo sa gabii kung siin kaeabanan sa mga nadadakpan nga nagaeapas kara hay do mga naka-inom ag do mga halin sa party.
Nasayuran nga do presenting curfew hours sa Kalibo hay alas-10 it gabii hasta it alas-4 it agahon para taw-an it daean do mga negosyo sa Kalibo nga makapag-operate it mahabang oras.
Samtang, ginaeauman man nga magapaguwa it Executive Order si Kalibo Mayor Emerson Lachica kaangot kara ag kung hin-uno raya pagaumpisahan. // SHERRY ANNE REUNIR-VIDAL