PADAYON ang hugot nga pagpatuman sa curfew hour matag alas 10 sa gabei sa Barangay Dadiangas South aron matud pa mapugngan ang mga kriminalidad sa lugar.
Gibutyag ni Kapitan Rock Garay milabay pa nga administrasyon gipatuman ang ordinansa kalabut sa curfew hour sa ilang Barangay kung asa ang mga minor-de edad nga makita sa dalan nga maglatagaw ginasita ug ginadala sa Barangay Hall.
Dugang sa kapitan ginaadtuan na sa mga tanod ang Salazar Street nga nasakop sa Dadiangas South asa makita ang mga kababa-inhan apan segun niini mobalik gihapon sila sa ilang naandan nga trabaho.
Bisan paman niini gisiguru nila nga walay minor-de edad nga miapil ug mag-istambay sa maong lugar kay dili matud pa magduha-duha sa pagbadlong si Kapitang Garay. I Enamie Mogpon