D.A-Bicol, nakatutok sa implementasyon kan recovery asin repopulation program kasunod kan downtrends sa mga kaso nin ASF sa rehiyon

BICOL – KASUNOD kan nairerehistrong  downtrends sa mga kaso nin ASF sa Bicol, nakatutok ngunyan an  Department of Agriculture o D.A sa implementasyon kan mga programa sa obhwetong matabangan na  mapauswag   liwat an sektor nin pag uurig sa rehiyon.

Segun ki Dr. Edgar A. Madrid, Regional Quick Response Team (RQRT) commander asin  DA-Bicol regional technical director for research and regulations, maarangkada na an Recovery, Rehabilitation, asin  Repopulation Assistance Program kan  DA para sa  ASF-affected asin  non-ASF–affected areas.

Pangenot soboot na obheto kan programa  an mahali an  mga lugar gikan sa quarantine pasiring sa  recovery status kasunod kan  matrayumpong  negative surveillance results, maibalik an livelihood asin  economic activities sa mga red zones siring man mapataas an resiliency asin  capacity kan  mga pork producers pag abot  sa disease outbreak management.

Sdugang pa kaini , kaipuhan an mahigot  na compliance kan  mga lugar sa cleanliness asin  proper disinfection siring man pagpapautob nin trenta diaz na  na downtime.

Padagos man  na masagibo nin  environmental sampling asin  screening asin  oras na mag-negatibo an mga resulta pwedsier  nang bugtakan  nin  sentinel animals. 

Sa ngunyan nasa  katorwe nang mga banwaan  sa rehiyon an naidentipikar kan  RQRT Bicol na mayo nang nairerehistrong  kaso nin  ASF sa laog nin nobenta diaz.

Mantang an  technical working group na minokna kan DA regional office iyo an madeterminar  sa magiging inisyal na bilang kan mga ipapanaong sentinel animals sa mga kwalipikadong benepisyaryo.