D.A-Bicol pigpupunan nang bayadan an mga hog raisers sa Catanduanes na naapektaran nin ASF

BICOL—Tigpahayag ni Rafael Magallanes, an OIC kan Department of Agriculture Catanduanes na nagpupuon na ang ang nasambit na ahensiya na bayadan an mga kagsadiri nin orig sa probinsiya na isinairarom sa depopulation an mga ataman na orig makalihis na maapektaran nin African Swine Fever.

Ginibo kan opisyal an pahayag kasabay kan launching nin programang “Barangay Bantay ASF” na may obhetong mapakusog an mga ipinapautob na lakdang kan probinsiya para maibitaran an padagos na paglakop nin ASF sa mga ataman na orig.

Segun pa ki Magallanes, nagiging silensiyo sana sinda sa pagtao nin kabayadan sa mga naapektarang hog raisers huli ta iniyo urulay suboot pinansiyal na dae dapat minamadali asin may mga bagay na kaipuhan na maikonsiderar bago ang pag release kaini.

Sa huri, ipinaliwanag ni Magallanes na dae naka atendir ang regional director kan D.A Bicol sa nasambit na launching kan programa nin huli ta presenteng naka lockdown ngunyan ang opisina kan nasambit na ahensiya huli sa pag positibo sa COVID-19 kan mga nagkapirang empleyado.-30-