Ginpasiguro makarun it Department of Agriculture–Bureau of Fisheries and Aquatic Resources (DA-BFAR) ro publiko nga ginapahauman nanda ro nagahilapit nga El Niño, pinaagi it pag ubra it mga tikang para masiguro ro supisyente nga suplay nga pagkaun.
Base sa eksplinasyon ni DA-BFAR national director Atty. Demosthenes R. Escoto nga ro nasambit nga weather phenomenon, nga ginaeauman nga magatuhaw umpisa sa Hunyo, hay may positibo ag negatibong epekto sa lokal nga suplay.
Ginpahayag man ni Atty. Escoto nga posibleng maging paborable ro El Niño sa archipelagic species parehu it tuna ag sardinas bangud mas gusto it mga organismo ngara ro mas mainit nga temperatura.
Pero sa pihak nga parte, ro weather phenomenon hay pwede man nga maging hangkat sa land-based aquaculture species parehu it bangus ag tilapia bangud ro manaba nga level it tubi hay pwedeng nagakahueogan it kakueangan it dissolved oxygen sa andang naistaran.
Ro manami nga balita, suno kay Atty. Escoto, hay ro mga lokal nga mangingisda hay pwedeng tapnaon ro epekto it El Niño pinaagi it pagsunod sa mga mayad nga natun-an nanda sa aquaculture. / ANN DESLENE SALAZAR