Dalagita nga napalgag patay, uyab gikonsiderang person of interest

Gikonsidera karon sa otoridad nga person-of-interest  ang usa ka ulitawo nga uyab sa gipatay nga dalagita nga napalgan pasado alas sais sa buntag kagahapon sa Sitio Tambongon, Brgy. Lasang ning syudad.

Ang wala paganling ulitawo ang gipailawum na sa imbistigasyon sa Bunawan Police Station human nasayran nga siya ang ulahing nakauban sa biktimang giilang si Alyas Lablab niadtong Lunes a gabie.

Una niini, kauban sa dalaga ang iyang uyab nga mitambong og birthday party sa ilang kaila apan wala na kini nakauli sa ilang balay.

Nakita na lamang ang lawas niini sa kakahuyan kilid sa dalan sa maong lugar nga dunay samad dinunggaban sa pusod nga bahin ug narekober usab sa iyang tapad ang module.

Sa karon gihaya na ang biktima sa iyang mga kabanay nga nanawagan og hustisya sa gidangatan sa dalagita.