DALAWANG BANGKAY, MAGKAHIWALAY NA NATAGPUAN SA LALAWIGAN NG QUEZON

Dalawang hindi pa natutukoy na mga bangkay ang magkahiwalay na natagpuan sa lalawigan ng Quezon nitong Martes, Enero 17.

Ayon sa report, dakong alas 6:45 ng umaga umano nang matagpuan ng nagpapatrol noong personahe ng Sariaya Municipal Police Station (MPS) ang bangkay ng lalaki na nakahandusay sa tabing kalsada ng Eco Tourism Road Sitio Bagong Pook, Barangay Talaan Aplaya, Sariaya, Quezon.

Sa deskripsyon ng awtoridad, ang naunang natagpuan ay nasa mahigit o mas mababa sa 40 hanggang 45- anyos, nakasuot ng t-shirt (Santa Cruz), itim na jogger pants, itim na Laker’s ball cap, itim na sandals at may sputnik tattoo sa kanang braso.

Nadiskubre rin na may mga tama ito ng bala sa iba’t-ibang bahagi ng katawan habang walang ibang ebidensyang nakita sa naturang lugar.

Kaugnay nito, isa pang bangkay ang natagpuan rin sa bahagi naman ng Barangay Lakawan, Tayabas City bandang alas 9:00 ng umaga ng parehong araw.

Sa pahayag naman ng Tayabas PNP, natagpuan ang bangkay na nakabalot ng packaging tape ang ulo, balikat at mga paa. Kasalukuyan nang nagpapatuloy ang isinasagawang imbestigasyon at operasyon ng awtoridad para matukoy ang pagkakakilanlan ng mga biktima at kung may kaugnayan ang mga ito sa isa’t-isa.

Leave a Reply

Your email address will not be published. Required fields are marked *