Nagpatigayon ang Dao LGU sang municipal tour nga gintiguluhan nga ‘Exploring DAO: Municipality of Dao Maragtas Tour” sang nagligad nga Setyembre 17.
Nag-umpisa ang tour sa meet and greet sa Dao Municipal Hall kasunod sang farm tour sa Paro’s Integrated and Diversified Natures Farm.
Madamo nga aktibidades ang ginpasakopan sang mga nagpartisipar kapareho sang Tuba gathering ukon pagkolekta sang coconut wine kag cooking demonstration sang Tinubaang Manok.
Gindocument sang Cultural Center of the Philippines ang pagluto sang Buti ukon Rice Crisp sang sila nagbisita sa Eskas Bar.
Nagpadayon ang tour sa paglibot sa pila ka mga cultural kag historical heritage sang banwa kapareho sang St. Thomas Villanueva Parish kag Panay Railways kag nagtapos ang tour paagi sa pagpasakop sa Sad-sad sa Plaza.
Yara sa nasambit nga akbitidad si Capiz Provincial Tourism Officer Alphonsus Tesoro kag Atty. Luvim Amores nga isa sa mga turista sa tour. Parte ini sa pagselebrar sang Pasalamat Festival 2023 sang nasambit nga banwa.